Star Tv

Aliyekuwa makamu wa rais wa Zimbabwe Emmerson Mnangagwa ambaye alifutwa kazi siku ya Jumatatu amelitoroka taifa hilo kufuatia vitisho vya kifo , kulingana na washirika wake.

Rais Mugabe mwenye umri wa miaka 93 amemshtumu aliyekuwa makamu wake kwa kupanga njama za kuchukua mamlaka kutoka kwake.

''Alienda katika kanisa moja na Apostolic kujua ni lini Mugabe atafariki. Lakini aliambia kwamba atafariki wa kwanza'' , Mugabe aliwaambia wafuasi wake siku ya Jumatano.Mke wa rais Grace Mugabe sasa ndio aliye kifua mbele kumrithi rais mumewe.

Bi Mugabe amekuwa akipigania kung'atuliwa kwa makamu huyo katika mkutano maalum wa chama tawala cha Zanu-PF mwezi Ujao.

Chama cha Zanu PF kilimfurusha Mnangagwa katika chama hicho siku ya Jumatano.Bwana Mugabe alimtaja naibu wake wa zamani kuwa miongoni mwa waliopanga njama na akaonya kuwa atawachukulia hatua maafisa wengine wa chama hicho walioshirikiana na Mnangagwa.

''Tulimjua kitambo bwana Mnangagwa .Lakini hatukutaka kuwalezea. Alidhani kwamba kwa kuwa mwandani wangu nitambeba na kumpatia urais. Lakini sikufariki, na sikujiuzulu'', aliwaambaia wafuasi wake katika makao makuu ya chama cha Zanu PF mjini Harare.

''Tunatumai tutakabiliana na wengine ambao pia walikuwa na njama kama hiyo'' , aliongezea.

Latest News

Faida ya Kunywa Vikombe 3 vya kahawa kwa siku kiafya'
23 Nov 2017 09:28 - Mohamed Mnzava

Unywaji wa kahawa kiasi ni salama , na vikombe vitatu kwa siku vya kahawa vinaweza kuwa na faida kadhaa za kiafya , kuli [ ... ]

Raia wa Uingereza aliyeiomba mahakama imfunge''
23 Nov 2017 08:44 - Mohamed Mnzava

Baada ya kupigwa marufuku kuomba na kulala ovyo ovyo kwenye veranda za maduka katika mji wa Middlesbrough, Bradley Grime [ ... ]

Polisi wavamia wahamiaji Papua New Guinea
23 Nov 2017 08:26 - Mohamed Mnzava

Polisi wa Papua New Guinea (PNG) wameingia katika kituo cha mahabusu cha wahamiaji kilichokuwa kinamilikiwa na Australia [ ... ]

Other Articles

Social Media

Star Tv - Advertisement
Star Tv - Advertisement
Star Tv - Advertisement

Copyright © 2017 . Star Tv - Tanzania. All Rights Reserved.