Star Tv

Wanasayansi wamegundua kwamba nzi hubeba viini vingi vinavyosababisha magonjwa kuliko ilivyodhaniwa awali.

Nzi wa kawaida wanaopatikana nyumbani na nzi wanaopatikana sana kwenye mizoga huwa na bakteria zaidi ya aina 600, uchunguzi wa DNA umebaini.

Nzi hao huhusishwa na maradhi mengi ya binadamu ikiwa ni pamoja na magonjwa ya tumbo, sumu kwenye damu na nimonia.

Nzi hueneza bakteria kutoka eneo moja hadi jingine kwa kutumia miguu yao na madawa, utafiti umeonesha.Mtafiti Prof Donald Bryant wa chuo kikuu cha jimbo la Penn State anasema watu walikuwa wanafahamu kwamba nzi hueneza bakteria lakini hawkauwa wanafahamu vyema ni kwa kiasi gani.

Uchunguzi wa DNA ulitumiwa kuchunguza mkusanyiko wa bakteria waliopatikana katika nzi wa kawaida wa nyumbani (Musca domestica) na nzi wanaotegemea sana mizoga na vitu vinavyooza (Chrysomya megacephala).

Nzi wa kawaida wanaopatikana nyumbani, ambao hupatikana karibu kila eneo duniani waligunduliwa kuwa na aina 351 za bakteria.

Nzi hao wengine wenye kutegemea mizoga na vitu vilivyooza walikuwa na aina 316 za bakteria. Nzi hawa sana hupatikana katika mazingira yenye joto.

Bakteria wengi wanaweza kupatikana kwa pamoja katika nzi wote wawili."Hili linakufanya ufikirie sana unapoamua kununua mchanganyiko wa matunda njiani, ambayo yamekaa wazi kwa muda, ukiwa matembezini," amesema Prof Bryant.

Latest News

Mzawa wa Zanzibar ashinda Turner Prize.
06 Dec 2017 08:51 - RobinLeah Madaha

Profesa Lubaina Himid ni mzaliwa wa Zanzibar ambaye ni mtanzania ametangazwa kuwa mshindi wa 'Turner Prize 2017'katika t [ ... ]

Carlifonia- Maelfu ya makazi yateketezwa .
06 Dec 2017 08:04 - RobinLeah Madaha

Karibu watu 27,000 walilazimishwa kukimbia manyumba yao usiku wa manane wakati moto mkubwa ulisamba kwa haraka kusini kw [ ... ]

Trump atambua Jerusalem kuwa mji mkuu wa Israel.
06 Dec 2017 07:47 - RobinLeah Madaha

Maafisa wa serikali ya Marekani wamesema kuwa rais Donald Trump, leo atautambua mji wa Jerusalem kama mji mkuu wa Israel [ ... ]

Other Articles

Social Media

Star Tv - Advertisement
Star Tv - Advertisement
Star Tv - Advertisement

Copyright © 2017 . Star Tv - Tanzania. All Rights Reserved.