Idadi ya watu waliofariki dunia kutokana na ajali ya boti katika Ziwa Kivu mashariki mwa Jamhuri ya Kidemokrasia ya Kongo imefikia 40, kufuatia kupatikana kwa maiti nyengine 27 jana Jumamosi.

Waziri wa mambo ya ndani, Basile Olongo, ameliambia shirika la habari la Reuters kwamba miili hiyo ilipatikana mpakani mwa kingo za mashariki za ziwa hilo upande wa nchi jirani ya Rwanda. Boti hiyo ilipinduka mwanzoni mwa wiki hii ikiwa imebeba watu takribani 200 na hadi sasa watu zaidi ya 100 hawajajulikana walipo. Rais Felix Tshisekedi aliitangaza Ijumaa kuwa siku ya maombolezo ya kitaifa. Ajali za vyombo vya majini zimekuwa jambo la kawaida katika mataifa mengi ya Maziwa Makuu, ambako vyombo kadhaa vya usafiri ni vikongwe na hujaza abiria kupita kiwango, huku vikiwa havina huduma za uokozi.

CHANZO: IDHAA YA KISWAHILI DW

Latest News

Kiwanda cha Alizeti chakosa malighafi, Mara
17 Jul 2019 13:12 - Kisali Shombe

Halmashauri ya wilaya ya Serengeti mkoani Mara imetenga zaidi ya shilingi milioni ishirini na tano ili kuwapa wakulima  [ ... ]

Mtendaji awekwa ndani kwa kula fedha za vitambulisho.
16 Jul 2019 14:01 - Kisali Shombe

Mkuu  wa  wilaya  ya  Kalambo Julieth Binyura  amemweka ndani  kwa muda  wa  saa 24 mtendaji  wa  kijiji cha  [ ... ]

Mhe. Dkt. John Pombe Magufuli ametoa siku 5 kwa Wizara ya Ujenzi, Uchukuzi na M...
16 Jul 2019 12:49 - Kisali Shombe

Rais wa Jamhuri ya Muungano wa Tanzania, Mhe. Dkt. John Pombe Magufuli ametoa siku 5 kuanzia leo tarehe 16 Julai, 2019 k [ ... ]

Other Articles

Social Media

Copyright © 2019 . Star Tv - Tanzania. All Rights Reserved.