Watawala wa kijeshi wa Sudan na viongozi wa vuguvugu la maandamano wamekubaliana juu ya kuundwa kwa utawala wa mpito wa miaka mitatu, ambao utakabidhi madaraka kamili kwa raia.

Mjumbe wa baraza la kijeshi linaloongoza nchi hiyo, Luteni Jenerali Yasser al-Atta ametangaza muafaka huo muda mfupi uliopita mbele ya waandishi wa habari. Al-Atta amesema makubaliano ya mwisho ya kugawana madaraka, na kuundwa kwa taasisi za uongozi wa mpito yatatiwa saini baina ya wanajeshi na waandamanaji katika muda usiozidi saa 24, chini ya masharti yanayokidhi matakwa ya umma wa Sudan. Afisa huyo amesema miezi sita ya kwanza itatengwa maalum kufikia makubaliano ya amani na makundi ya waasi ndani ya nchi hiyo. Amesema pia kuwa bunge la mpito litakuwa na viti 300, asilimia 67 ya viti hivyo ikikaliwa na wanachama wa vuguvugu la waandamanaji lijulikanalo kama ''Muungano kwa ajili ya Uhuru na Mabadiliko''.

 

CHANZO: Idhaa ya Kiswahili DW

Latest News

Waziri wa mambbo ya nje akutana na Jumuia ya Mabohora
18 May 2019 14:03 - Kisali Shombe

Jumuia ya Mabohora Nchini imesema imeanza jitihada za kuunga mkono jitihada za Rais wa Jamhuri ya Muungano wa Tanzania D [ ... ]

Hospitali ya rufaa ya mkoa wa Mara kufungiwa kamera.
18 May 2019 13:48 - Kisali Shombe

Uongozi wa Hospital ya rufaa ya mkoa wa Mara umelazimika kufunga kamera maalumu katika maeneo yote ya hospitali hiyo ili [ ... ]

Morocco yapunguza wahamiaji haramu wanaokimbilia, Uhispania.
18 May 2019 07:30 - Kisali Shombe

Morocco imesema inatumia mbinu mpya katika kukabiliana na wimbi la wahamiaji wanaotaka kuitumia kama njia ya kuingilia U [ ... ]

Other Articles

Social Media

Copyright © 2019 . Star Tv - Tanzania. All Rights Reserved.