Star Tv

Mamia kwa maelfu ya wakaazi wa Hong Kong wamefanya maandamano mjini humo jana kuupinga mpango wa serikali utakaoruhusu watuhumiwa kupelekwa China bara kukabiliwa na mashtaka.

Wakati maandamano hayo yalikuwa ya amani kwa kiasi kikubwa, mamia kadhaa ya waandamanaji walikabiliana na polisi nje ya bunge la mji huo jana jioni. Makundi madogo ya waandamanaji yaliahidi kupiga kambi nje ya bunge hadi Jumatano, wakati mswada huo unaolalamikiwa utakaposomwa kwa mara ya pili bungeni. Hata hivyo, walifurushwa na polisi wakati kibali chao cha kuandamana kilipomalizika muda wake usiku wa manane. Tukio hilo lilikuwa mojawapo ya maandamano makubwa kabisa katika historia ya Hong Kong, ambapo polisi walikadiria kuwa karibu waandamanaji 240,000 walishiriki. Lakini waandaaji wa maandamano hayo walisema karibu watu milioni moja walishiriki.

CHANZO: Idhaa ya Kiswahili DW.

Latest News

Kumbukumbu ya miaka 20 ya Hayati Mwalimu Nyerere
14 Oct 2019 12:52 - Kisali Shombe

Kila tarehe 14/10 Tanzania inaazimisha kumbukumbu ya kifo cha hayati baba wa Taifa Mwalimu Julius Kambarage Nyerere. Mwa [ ... ]

Mgogoro machimbo ya Shilalo Mwanza: Serikali yasitisha uchimbaji wa Dhahabu
11 Oct 2019 10:14 - Grace Melleor

Serikali imesitisha kwa muda usiojulikana shughuli za uchimbaji wa Madini ya Dhahabu katika machimbo ya Shilalo wilayani [ ... ]

Kesi Ya Uhujumu Uchumi: Sethi Na Rugemalira Waandika Kuomba Msamaha
11 Oct 2019 09:46 - Grace Melleor

Hayo yamebainika katika Mahakama ya Hakimu Mkazi Kisutu ambapo imeeelezwa, Seth aliandika barua yake iliyopitia kwa Mkuu [ ... ]

Other Articles

Social Media

Copyright © 2019 . Star Tv - Tanzania. All Rights Reserved.