Star Tv

Serikali wilayani Chunya mkoani Mbeya imethibitisha kuwepo kwa vitendo vya udhalilishaji na ukatili dhidi ya wanawake wakulima wawapo mashambani vinavyotekelezwa na wafugaji.

Kati ya matukio yaliyoripotiwa Ofisini kwa mkuu wa wilaya ni pamoja na wanawake wakulima kubakwa na kupigwa na wafugaji wakilenga kuwaondoa ili waingize mifugo na kuilishia kwenye mazao mashambani.Kufuatia hali hiyo, Mkuu wa wilaya ya Chunya Marypriscar Mahundi ametoa onyo kali kwa wakulima walio na tabia hiyo akisema hatosita kuchukua hatua kali kumwajibisha yeyote atakayebainika kuendeleza vitendo hivyo vya kikatili. Kwa mujibu wa mkuu huyo wa wilaya kata ambazo zimekuwa na wafugaji wenye tabia za kuwanyanyasa wanawake wakiwa mashambani ni pamoja na kata ya Upendo ,Mamba na Lualaje zilizo na wafugaji wengi.

 Aidha mkuu huyo wilaya amesema kuwa endapo vitendo hivyo vya udhalilishaji na vipigo  kwa wanawake vitaendelea hakutakuwa na maana ya kuwepo kwa jukwaa la wakulima na wafugaji ambalo kazi yake ni kuwatetea watu wa pande zote.

Hata hivyo Katibu wa chama cha wafugaji Wilayani Chunya ,James Kidayi akizungumzia suala la wafugaji kuwafanyia ukatili wanawake mashambani amesema hajawahi kupata taarifa zozote kama viongozi wa chama cha wafugaji. Mwakilishi wa mkuu wa Polisi wilaya ya chunya ,Janeth Mwakabungu amewataka  wafugaji kuacha tabia ya kutembea na fimbo mikononi akisema inachangia kufanya ukatili wakati wowote wanapojisikia kufanya hivyo.

 

 

 

Latest News

Rais John Magufuli atembelea majeruhi wa ajali ya moto Muhimbili.
11 Aug 2019 16:07 - Kisali Shombe

Rais wa wa Jamhuri ya Muungano wa Tanzania Dkt John Magufuli amewatembelea majeruhi 43 wa ajali ya moto iliyotokea Agost [ ... ]

Waziri Mkuu akerwa na upandishwaji wa bili ya maji, Maswa.
09 Aug 2019 11:44 - Kisali Shombe

Waziri Mkuu, Kassim Majaliwa amekerwa na kitendo cha Mamlaka ya Maji wilayani Maswa kupandisha bili ya maji kutoka sh 5, [ ... ]

Raia kutoka nchini China watumikia kifungo cha miaka 18 au faini milioni 315
09 Aug 2019 11:29 - Kisali Shombe

Mahakama ya hakimu mkazi Tarime mkoani Mara imewahukumu kifungo cha miaka 18 jela ama kulipa faini ya shilling million 3 [ ... ]

Other Articles

Social Media

Star Tv - Advertisement
Star Tv - Advertisement
Star Tv - Advertisement

Copyright © 2019 . Star Tv - Tanzania. All Rights Reserved.