Star Tv

Rais wa Marekani, Donald Trump ametangaza kuweka vikwazo vipya vya kiuchumi dhidi ya Iran, ambapo amesema nchi hiyo haitolipiza kisasi kwa kufanya mashambulizi ya kijeshi.

Kauli hiyo ameitoa wakati akizungumzia mashambulizi ya makombora katika kambi mbili za Marekani nchini Iraq, kwa kusema kuwa Marekani iko tayari kuendeleza amani, ingawa

ukweli ni kwamba ina jeshi kubwa na lenye vifaa imara.

Kwa mujibu wa Trump, amesema  Iran inaonekana inajaribu kupunguza mvutano kati ya nchi hizo mbili ambao ulizidishwa makali na mauaji ya jenerali wa Iran, Qassem Soleimani aliyeuawa na Marekani wiki iliyopita.

Katika hotuba yake iliyosubiriwa kwa hamu, hapo jana Trump amesema hakuna mwanajeshi yeyote wa Marekani aliyejeruhiwa au kuuawa katika mashabulizi hayo ya jana.

Kuhusu mkataba wa nyuklia wa Iran, Trump amezitaka nchi washirika zilizobaki katika makubaliano hayo kujiondoa kama ambavyo Marekani ilifanya mwaka 2018.

Aidha, serikali ya Uingereza imekataa ombi la Rais Donald Trump wa Marekani la kujiondoa katika makubaliano ya nyuklia ya JCPOA na kusema makubaliano hayo yana umuhimu kwa London katika upande wa masuala ya kiusalama.

                                                                                                     Mwisho.

Latest News

WAZIRI UMMY ATHIBITISHA KUPONA KWA MGONJWA MMOJA WA COVID-19.
03 Apr 2020 15:58 - Grace Melleor

Waziri wa Afya nchini Ummy Mwalimu amesema kuwa mgonjwa mwingine aliyekuwa na maambukizi ya virusi vya corona (COVID-19) [ ... ]

TANZANIA YAPATA NEEMA TENA KUTOKA BENKI YA DUNIA.
03 Apr 2020 07:18 - Grace Melleor

Msemaji Mkuu wa Serikali na Katibu Mkuu Wizara ya Habari , Dokta Hassan Abbas amesema tayari serikali imepokea Dola Mili [ ... ]

RAIS MUSEVENI ATANGAZA SIKU 14 KWA RAIA WAKE KUKAA NDANI YA MAKAZI YAO.
31 Mar 2020 10:30 - Grace Melleor

Rais wa Uganda Yoweri Museveni ametangaza masharti zaidi ya kukabiliana na kuenea kwa virusi vya corona wiki mbili baada [ ... ]

Other Articles

Social Media

Copyright © 2020 . Star Tv - Tanzania. All Rights Reserved.