Star Tv

Mfanyabiashara James Rugemalira, ametoa notisi kwa taasisi kadhaa akiwemo Mkurugenzi wa Mashitaka nchini DPP akiomba amtoe kwenye kesi ya uhujumu uchumi inayomkabili.

Taasisi zingine zilizopewa notisi hiyo ni Usalama wa Taifa, TAKUKURU, Gavana wa Benki Kuu, DCI, TRA, Wakili Mkuu wa Serikali pamoja na Kamishna wa Magereza.

Januari 30, 2020 mfanyabiashara huyo aliieleza Mahakama ya Hakimu Mkazi Kisutu, kuwa  ameandika barua kwenda kwa Kamishna wa Mamlaka ya Mapato Tanzania (TRA) akielezea jinsi gani benki ya Standard Chartered ya Hong Kong walivyokuwa wakikwepa kodi na ushuru wa forodha.

Siku hiyo alidai kuwa Januari 24, 2020 aliongea na mwakilishi wa Takukuru alipotembelea gerezani na akamkabidhi nakala ya barua hiyo aliyoandika kwenda kwa Kamishna  wa TRA lakini hadi sasa hajapata jibu lolote.

Rugemalira ameyabainisha hayo katika Mahakama ya Hakimu Mkazi Kisutu, mbele ya Hakimu Mkazi Mkuu, Huruma Shaidi wakati kesi hiyo ilipofikishwa kwa ajili ya kutajwa na kusema kuwa asipofanya hivyo atawasilisha hoja rasmi za kuondolewa katika kesi hiyo Mahakamani ambapo upande wa mashtaka kupitia kwa Wakili wa Serikali Wankyo Simon amesema kuwa upelelezi wa kesi hiyo bado haujakamilika.

Baada ya Wakili Wankyo kusema hivyo Rugemalira alinyoosha mkono akiomba kuzungumza na aliporuhusiwa alidai kuwa notisi alizoziandika na kuzituma zote zimepokelewa sehemu husika na hivyo alitarajiwa kuachiwa na kuondolewa katika shauri hilo.

Kwa mara ya kwanza James Rugemalila na Harbinder Seth walifikishwa mahakamani juni 19 2017

Rugemalira pamoja na mmiliki mwenza wa zamani wa kampuni ya IPTL, Harbinder Sethi, wanakabiliwa na mashtaka 12 ikiwemo utakatishaji wa fedha, kujihusisha na mtandao wa uhalifu, utakatishaji wa fedha na kusababisha hasara ya Dola za Marekani 22,198,544.60 na Sh 309,461,300,158.27 za Tanzania, makosa ambayo wanadaiwa kuyatenda jijini Dar es Salaam na nchi za Afrika Kusini, Kenya na India.

Mwisho

Latest News

SHAMBULIO LA KOURÉ NCHINI NIGER LAMUUMIZA KICHWA MACRON.
11 Aug 2020 16:07 - Grace Melleor

Rais wa Ufaransa Emmanuel Macron ameitisha kikao na baraza la ulinzi nchini mwake kufuatia Shambulio la Koure nchini Nig [ ... ]

NEEMA YAWASHUKIA WAKULIMA NCHINI.
11 Aug 2020 15:57 - Grace Melleor

Katika kuhakikisha kwamba tija ya uzalishaji wa mazao ya kilimo inaongezeka ili kujitosheleza kwa chakula na malighafi z [ ... ]

CHANJO YA COVID-19 YAIDHINISHWA KWA MATUMIZI URUSI.
11 Aug 2020 13:34 - Grace Melleor

Rais wa Urusi Vladimir Putin amesema kwamba chanjo iliyotengenezwa ndani ya Urusi kwa ajili ya ugonjwa wa Covid-19 imeid [ ... ]

Other Articles

Social Media

Copyright © 2020 . Star Tv - Tanzania. All Rights Reserved.