Star Tv

Familia ya Afisa wa shirika la ujasusi la Marekani (FBI) Robert Levinson, ambaye alitoweka katika mazingira ya kutatanisha mwaka 2007 nchini Irani amefariki dunia akiwa kizuizini nchini Iran.

Rais wa Marekani Donald Trump hajathibitisha rasmi kifo chake, lakini amesema kuwa inawezekana kuwa Afisa huyo amefariki dunia.


"Hawajatwambia kuhusiana na kifo chake, lakini watu wengi wanaamini kuwa taarifa hiyo ni sahihi na jambo la kusikitisha"-Rais Donald Trump.


Rais Trump Amesema kwamba taarifa hiyo inatia huzuni kwani Afisa huyo pia alikuwa mgonjwa kwa miaka kadhaa, huku akikiri kwamba alishindwa kumrudisha nchini Marekani kama ilivyopaswa.


Taarifa zinaeleza kuwa familia yake imesema kuwa; "Hivi majuzi tumepokea habari kutoka kwa maafisa wa Marekani ambao walikuwa wasimamizi wake kwamba mume na baba wa watoto amefariki dunia akiwa kizuizini baada ya kuzuiliwa kwa miaka kadhaa na mamlaka nchini Irani”.

Aidha wanafamilia wansema kuwa sababu au tarehe ya kifo hazikubainishwa ambaye mara nyingi alikuwa akionyeshwa kama mateka wa zamani zaidi katika historia ya Marekani na familia yake imebaini tu kwamba kifo chake kilitokea kabla ya janga la Covid- 19.


                    Mwisho

Latest News

KENYA KUTUMA NDEGE CHINA KUCHUKUA VIFAA VYA COVID-19.
06 Apr 2020 15:17 - Grace Melleor

Waziri wa Usafirishaji wa Kenya James Macharia amesema wanatarajia kutuma ndege ya Kenya Airways nchini China siku ya Ju [ ... ]

WAGONJWA WAPYA WANNE WABAINIKA KUWA NA MAAMBUKIZI NCHINI.
06 Apr 2020 14:55 - Grace Melleor

Waziri wa afya Ummy Mwalimu ametoa taarifa ya uwepo wa ongezeko la wagonjwa wanne wa Corona ambapo watu hao wamepatikana [ ... ]

WAZIRI MKUU WA UINGEREZA ALAZWA HOSPITALI MJINI LONDON.
06 Apr 2020 06:26 - Grace Melleor

Ofisi ya Waziri Mkuu wa Uingereza Boris Johnson ya Downing Streeet imeeleza kuwa Waziri huyo amelazwa hospitalini ili ku [ ... ]

Other Articles

Social Media

Copyright © 2020 . Star Tv - Tanzania. All Rights Reserved.