Star Tv

Rais wa Jamhuri ya Muungano wa Tanzania Dkt. John Magufuli ameagiza vyuo vyote nchini kufunguliwa Juni 01, 2020 pamoja na wanafunzi wa kidato cha sita kufungua shule tarehe hiyohiyo kwa ajili ya kujiandaa na mitihani ya taifa, huku akisema shule za sekondari na msingi waendelee kusubiri.

Rais Magufuli ametoa taarifa hiyo katika ikulu ya Chamwino Jijini Dodoma wakati akiwaapisha viongozi mbalimbali aliowateua, ambapo amezitaka Wizara husika kama vile Wizara ya Fedha, Wizara ya elimu pamoja na nyinginezo kujiandaa kikamilifu kwakuwa zimebaki siku tisa kutokea leo hii.

Ametoa wito kwa Wizara ya Afya kuhakikisha inapima kikamilifu vifaa vinavyotolewa kama msaada nchini kwa ajili ya kupambana na maambukizi ya virusi vya corona, na ikiwa mtu yeyote atapatikana amepokea vifaa ambavyo pindi vitakapopimwa vitakutwa na corona mtu huyo atapelekwa kwenye kesi ya jinai.

Mbali na kutangaza vyuo vyote kufunguliwa Juni 01, pia ligi za michezo zilizokuwa zikiendelea zitaanza tarehe hiyohiyo.

Amesema ni lazima watu wafanye michezo kwa kuwa hakuna ripoti yeyote inayoonyesha kuna mchezaji wa tanzania amefariki kwa COVID-19, lakini Wizara ya Afya nay a Michezo zitapaswa kupanga namna ya watu kushangilia michezo hiyo lengo ni kuchukua tahadhari za ugonjwa huo kwakuwa ugonjwa bado upo.

Viongozi walioapishwa leo ni; Dtk. Godwin Mollel kuwa Naibu Waziri wa Afya Maendeleo ya Jamii, Jinsia Wanawake Wazee na watoto, Dkt. Deliphine Magere kuwa Katibu Tawala wa Mkoa wa Pwani, Dkt. Jacob Kingu kuwa Balozi wa Tanzania nchini Algeria, Balozi Mteule Phaustine Kasike kuwa Balozi wa Tanzania nchini Msumbiji, Balozi mteule John Simbachawene kuwa Balozi wa Tanzania nchini Kenya na Brig.Gen.John Mbungo kuwa Mkurugenzi Mkuu wa Taasisi ya Kuzuia na Kupambana na Rushwa TAKUKURU.

 

Latest News

MPAKA WA HOLILI NA NAMANGA BADO KIZUNGUMKUTI.
05 Jun 2020 14:06 - Grace Melleor

Mipaka miwili ya Tanzania na Kenya eneo la Namanga na Holili imefungwa tena baada ya kuibuka hali ya sintofahamu kuhusu  [ ... ]

CWT YAZUNGUMZA UKWELI WA MSHAHARA WANAOLIPWA.
05 Jun 2020 10:23 - Grace Melleor
Notice: Undefined property: stdClass::$thumb in /var/www/html/startv.co.tz/public_html/startvweb/modules/mod_minifrontpage/themes/default/tmpl/bottom.php on line 79

Chama cha Walimu Tanzania kimesema kinatambua jitihada kubwa ambazo zinafanywa na Serikali katika kuboresha maisha ya wa [ ... ]

RAIS TRUMP ASHUTUMIWA KUWAGAWANYA RAIA WAKE.
04 Jun 2020 10:28 - Grace Melleor

Aliyekuwa Waziri wa Ulinzi wa Marekani James Mattis amemshutumu Rais Donald Trump, kwa kuleta mgawanyiko na kutumia viba [ ... ]

Other Articles

Social Media

Copyright © 2020 . Star Tv - Tanzania. All Rights Reserved.