Korti ya Mazingira nchini Kenya imezuia ujenzi wa mtambo wa kuzalisha umeme kwa kutumia makaa ya mawe, ambao ulitarajiwa kujengwa katika kisiwa cha Lamu. Mradi huo wenye gharama ya dola bilioni mbili umepingwa vikali na wanaharakati wa ulinzi wa mazingira, na wenyeji wa kisiwa hicho. Jaji Mohammed Balala ameubatilisha uamuzi wa awali ulioridhia kibali cha ujenzi kwa mwekezaji, Amu Power.

Rwanda leo inaadhimisha kumbukumbu ya miaka 25 ya mauaji ya Kimbari ambapo watu wapatao 800,000 hasa wa kabila la Watutsi waliuawa. Wajumbe kadhaa wa Kimataifa waliwasili jana Jumamosi katika mji mkuu, Kigali kwa ajili ya kuhudhuria kumbukumbu ya mauaji hayo ya Kimbari.

Watu sita wamefariki dunia na wengine kadhaa hawajulikani walipo, kufuatia mvua kubwa zilizosababisha maporomoko ya udongo katika wilaya ya Bududa mashariki mwa Uganda.

Bunge la Jumuiya ya Afrika Mashariki (EALA) limepitisha azimio la kulitaka Baraza la Mawaziri la jumuiya hiyo, kusimamia kikamilifu utekelezaji wa mkataba wa uanzishwaji Soko la pamoja uliopitishwa kwa pamoja na nchi hizo......

Bunge la Jumuiya ya Afrika Mashariki, limepitisha azimio la kutaka kupitishwa kwa sheria ya kupiga marufuku utengenezaji na uingizwaji wa sabuni na vipodozi vyenye viambata vya sumu
vinavyodaiwa kuathiri afya za watumiaji hususani wanawake.

Mwanamuziki mwanasiasa Bobi Wine ambaye amekuwa akizuiliwa kwa karibu wiki mbili nchini Uganda ameachiliwa huru kwa dhamana na Mahakama Kuu mjini Gulu, kaskazini mwa nchi hiyo. Mbunge huyo wa Kyadondo Mashariki ambaye jina lake halisi ni Robert Kyagulanyi amepewa dhamana pamoja na wabunge wengine watatu, na watuhumiwa wengine wanane.

Waziri wa Mambo ya Nje na Ushirikiano wa Afrika Mashariki, Mhe. Prof. Palamagamba John Kabudi (Mb.), akila kiapo cha utii mbele ya Bunge la Afrika Mashariki  kama Waziri anayeshughulikia masuala ya Ushirikiano wa Afrika Mashariki kutoka Tanzania. Tukio hilo ambalo  limefanyika kwenye Makao Makuu  ya Bunge la Afrika Mashariki jijiji Arusha  limeshuhudiwa na Naibu Waziri wa Mambo ya Nje na Ushirikiano wa Afrika Mashariki, Mhe. Dkt. Damas Ndumbaro na Spika wa Bunge hilo, Mhe. Martin Ngoga.

Maafisa wa polisi mjini Nakuru, Kenya wanamzuilia mwanamume anayedaiwa kuwauzia watu nyama ya paka.