Star Tv

Tume ya Mawasiliano ya Uganda ilitangaza wiki iliyopita ikieleza kuwa kuanzia sasa mtu yeyote anayechapisha maudhui mtandaoni atalazimika kujiandikisha kabla ya Oktoba 5,2020.

Kwa kutetea azimio hilo jipya, Tume ya Mawasiliano ya Uganda imetaja kifungu cha mamlaka ya Sheria ya Mawasiliano ya Uganda (Uganda Communication Act), ambayo inapiga marufuku uchapishaji wa maudhui bila kibali, Sheria ambayo itatumika kwa machapisho ya maudhui mtandaoni na kwenye mitandao ya kijamii.

Kwa upande wa Roland Ebole, mmoja wa watafiti wa Shirika lisilo la kiserikali la Amnesty International amesema hiki ni kizuizi kingine kikubwa kuhusu uhuru wa kujieleza nchinihumo.

Kulingana na Roland Ebole ameeleza kuwa Waganda wote watalazimika kufuata kanuni hiiyo mpya, hatua hiyo inatia wasiwasi zaidi ikiwa imesalia miezi michache tu kabla ya uchaguzi wa urais uliopangwa kufanyika mwanzoni mwa mwaka ujao.

Mtafiti wa Amnesty ameendelea kubainisha kuwa huenda tume hiyo imelenga kuwadhibiti wapinzani nchini humo; "Mikusanyiko yote ya kisiasa wakati wa kampeni ni marufuku, kwa hivyo wakati kuna vizuizi kuhusu njia za mawasiliano na habari, wakati ambapo serikali inakataza mikusanyiko ya umma, tunaweza fikiria kuwa lengo la mchakato huu ni kuzuia upinzani. "

Itakumbukwa kwamba mwanzoni mwa mwaka huu, mwezi Juni, tume ya uchaguzi ilitoa maagizo mapya, ambayo ni kama muongozo uliorekebishwa kwa uchaguzi wa mwaka 2021, na ambao unataka mchakato mzima wa uchaguzi ufanyike mtandaoni.

Chanzo: rfi Swahili.

Latest News

HESLB YATOA UFAFANUZI KUHUSU TAARIFA POTOFU INAYOSAMBAZWA MITANDAONI.
19 Oct 2020 17:32 - Grace Melleor

Bodi ya Mikopo ya Wanafunzi wa Elimu ya Juu (HESLB) imefafanua kuhusu taarifa zinazosambaa mitandaoni kuhusiana na utara [ ... ]

WAALIMU WAANZA MGOMO DR CONGO.
19 Oct 2020 17:02 - Grace Melleor

Nchini DRC, walimu kutoka chama cha walimu cha SYECO na wale kutoka chama cha walimu wa kikatolika (SYNECAT) wameanza mg [ ... ]

WANANCHI WA GUINEA WASUBIRI MATOKEO YA UCHAGUZI WA URAIS.
19 Oct 2020 16:25 - Grace Melleor

Baada ya miezi kadhaa ya maandamano mabaya dhidi ya muhula wa 3 wa rais Alpha Condé, wananchi wa Guinea walipiga kura k [ ... ]

Other Articles

Social Media

Copyright © 2020 . Star Tv - Tanzania. All Rights Reserved.