Star Tv

Zaidi ya watu 86 wameuawa Katikati mwa nchi ya Nigeria katika muendelezo wa mgogoro kati ya wafugaji na wakulima.

Kwa mujibu wa maafisa wa mji huo, mapigano hayo yalianza siku ya Alhamisi baada ya kundi moja la wakulima kutekwa na watano kati yao kuuawa, kabla ya tukio kubwa linalotajwa kuwa la kulipiza kisasi siku ya Jumamosi dhidi ya wakulima.

Mapigano makali yametokea katika vijiji mbalimbali katikati mwa nchi ya Nigeria ndani ya siku chache, yameacha makovu kwa kusababisha vifo vya watu wengi na wengine kadhaa kujeruhiwa.

Katika eneo la Barkin Ladi mapigano hayo yameshamiri zaidi kiwa ndio eneo ambalo mgogoro umekuwa ukitokea mara kwa mara licha ya kwamba hali ilikua shwari ndani ya miaka miwili iliyopita.

Mapigano yaliripotiwa kutokea tena mwezi April, lakini haya ya sasa yamekithiri.

Tokea kuanza kwa mwaka huu, mapigano haya yaliripotiwa kutokea katika baadhi ya maeneo ya katikati mwa Nigeria, licha ya kutajwa kuwa yalizuiliwa na vikosi vya usalama.

Mapigano haya ambayo ni ya kulipizana visasi, licha ya kusababisha vifo vingi sambamba na majeruhi, pia vimesababisha mgawanyiko mkubwa wa ukabila na udini katika eneo hilo.

Polisi nchini Nigeria tiyari imetuma vikosi vyake katika maeneo yaliyoathirika ili kudhibiti hali ya mambo.

Kwa hisani ya BBC.

Latest News

MPAKA WA HOLILI NA NAMANGA BADO KIZUNGUMKUTI.
05 Jun 2020 14:06 - Grace Melleor

Mipaka miwili ya Tanzania na Kenya eneo la Namanga na Holili imefungwa tena baada ya kuibuka hali ya sintofahamu kuhusu  [ ... ]

CWT YAZUNGUMZA UKWELI WA MSHAHARA WANAOLIPWA.
05 Jun 2020 10:23 - Grace Melleor
Notice: Undefined property: stdClass::$thumb in /var/www/html/startv.co.tz/public_html/startvweb/modules/mod_minifrontpage/themes/default/tmpl/bottom.php on line 79

Chama cha Walimu Tanzania kimesema kinatambua jitihada kubwa ambazo zinafanywa na Serikali katika kuboresha maisha ya wa [ ... ]

RAIS TRUMP ASHUTUMIWA KUWAGAWANYA RAIA WAKE.
04 Jun 2020 10:28 - Grace Melleor

Aliyekuwa Waziri wa Ulinzi wa Marekani James Mattis amemshutumu Rais Donald Trump, kwa kuleta mgawanyiko na kutumia viba [ ... ]

Other Articles

Social Media

Copyright © 2020 . Star Tv - Tanzania. All Rights Reserved.