Star Tv

Kirusi cha corona chazidi kusambaa duniani kwa kutia mguu Magharibi mwa Afrika ambapo mtu wa kwanza aliye na kirusi cha corona katika eneo la chini ya jangwa la Sahara Magharibi mwa Afrika amegunduliwa nchini Nigeria.

Waziri wa Afya wa Nigeria Osagie Ehanire ameeleza katika taarifa aliyotoa kupitia ukurasa wake wa kijamii wa Twitter mapema leo kwamba, mtu huyo ni raia wa Italia anayefanya kazi nchini humo, ambaye alirejea Nigeria mapema wiki hii akitokea mjini Milan, Italia.

Amesema hali ya mtu huyo si mbaya na tayari amelazwa katika hospitali ya magonjwa ya kuambukiza ya Yaba mjini Lagos.

Kabla ya Nigeria, kulikuwa kumeripotiwa kesi mbili tu za maambukizi ya kirusi cha corona barani Afrika, moja ikiwa ni katika ya nchi ya Misri na nyingine nchini Algeria.

Wakati huohuo Lithuania nayo pia imemgundua mtu mwenye kirusi cha corona nchini humo.

Maafisa wa afya wa Ireland ya Kaskazini nao pia wametangaza kugunduliwa mtu aliyekumbwa na kirusi cha corona katika eneo hilo na kuifanya idadi ya watu walioambukizwa kirusi hicho nchini Uingereza kufikia 16.

Mbali na China, ambayo ni kitovu cha maambukizi ya kirusi cha corona, nchi za Ulaya Magharibi zina idadi kubwa zaidi ya watu waliokumbwa na kirusi hicho.

Baada ya watu waliofariki kwa kirusi cha corona nchini Italia kuongezeka na kufikia 17, Ufaransa imetangaza kuwa idadi ya watu waliokumbwa na kirusi hicho nchini humo imefikia 40 wakati idadi hiyo nchini Ujerumani ni 38.

                                             Mwisho.

Latest News

TANZANIA, CHINA ZAAHIDI KUENDELEZA USHIRIKIANO.
10 Jul 2020 13:10 - Grace Melleor

Tanzania na China zimeahidi kuendeleza ushirikiano wa kidiplomasia ili kuhakikisha kuwa nchi hizo zinakuwa na maendeleo  [ ... ]

Breaking News: DKT HUSSEIN MWINYI APITISHWA KUWA MGOMBEA URAIS ZANZIBAR.
10 Jul 2020 10:45 - Grace Melleor

Mkutano wa Halmashauri Kuu ya CCM umempitisha Dkt Hussein Mwinyi kuwa mgombea wa Urais wa Zanzibar baada ya kupata kura  [ ... ]

MAONESHO YA NANENANE KITAIFA KUFANYIKA SIMIYU TENA.
08 Jul 2020 16:48 - Grace Melleor

Serikali imetangaza kuanzia tarehe 01 hadi 08 Agosti, 2020 kutafanyika maadhimisho ya sikukuu ya wakulima Nanenane ambap [ ... ]

Other Articles

Social Media

Copyright © 2020 . Star Tv - Tanzania. All Rights Reserved.