Star Tv

Wananchi wa Malawi wanapiga kura leo katika marudio ya Uchaguzi wa urais, katika Uchaguzi ambao unaelezwa na wachambuzi kama kipimo cha demokrasia katika taifa hilo.

Hatua hii imekuja baada ya Mahakama kufutilia mbali ushindi wa rais Peter Mutharika mwezi Februari baada ya kubainika kwa udanganyifu na kuagiza uchaguzi mpya.

Rais Mutharika anatarajiwa kupata ushindani mkali kutoka kwa kiongozi wa upinzani Lazarus Chakwera, huku kila mmoja akisema ana uhakika wa kushinda.

Mahakama mwezi Februari ilisema ushindi wa rais Peter Mutharika uligubikwa na udanganyifu mkubwa.

Mahakama ya Katiba ilichukuwa uamuzi wa kufutilia mbali uchaguzi huo kutokana na dosari nyingi zilizoufanya uchaguzi huo usiwe huru, haki na wa kuaminika, alisema Jaji kiongozi wa Mahakama ya Katiba, Healey Potani.

Katika uchaguzi huo uliofanyika Mei 21 mwaka 2019, Tume ya uchaguzi ilimtangaza Peter Mutharika kuwa mshindi wa uchaguzi kwa kupata asilimia 38.6 ya kura zote.

Uchaguzi unafanyika chini ya sheria mpya, ambapo mshindi sasa atahitaji kupata wingi wa kura wa 51% .

Kwa miezi kadhaa sasa, raia wa Malawi wamekuwa katika mgogoro wa kisiasa ambao haujawahi kushuhudiwa katika historia ya nchi hiyo. Ni zaidi ya mwaka sasa tangu mamilioni ya raia walipojitokeza katika uchaguzi wa bunge na urais.

Kumekuwa na maandamano ya kupinga serikali pamoja na kutokea kwa ghasia ambako kumetishia nchi hiyo kutumbukia katika mgogoro mkubwa zaidi.

Latest News

TANZANIA YATOBOA SIRI YA FURAHA YAKE CHINI YA UENYEKITI WA SADC.
13 Aug 2020 18:09 - Grace Melleor

Tanzania imejivunia mafanikio yaliyopatikana wakati ikiwa mwenyekiti wa Jumuiya ya Maendeleo Kusini mwa Afrika (SADC), c [ ... ]

MHADHIRI UDOM KIZIMBANI KWA RUSHWA YA NGONO.
13 Aug 2020 16:57 - Grace Melleor
Notice: Undefined property: stdClass::$thumb in /var/www/html/startv.co.tz/public_html/startvweb/modules/mod_minifrontpage/themes/default/tmpl/bottom.php on line 79

Taasisi ya kuzuia na kupambana na Rushwa nchini (TAKUKURU) Mkoa wa Dodoma inatarajiwa kuwafikisha mahakamani watu 10 kat [ ... ]

OMBI ZITO KWA RAIS WA BURUNDI KUTOKA MUUNGANO WA WANAHABARI.
13 Aug 2020 14:45 - Grace Melleor

Muungano wa wanahabari nchini Burundi, umetoa wito kwa rais Évariste Ndayishimiye kuwasamehe wanahabari wanne wa Gazeti [ ... ]

Other Articles

Social Media

Copyright © 2020 . Star Tv - Tanzania. All Rights Reserved.