Star Tv

Takriban watu sita wameripotiwa kufariki baada ya bomu kulipuka katika mgahawa mmoja uliopo mji wa kusini wa Somalia wa Baidoa.

Watu wengine kadhaa wamejeruhiwa. Ndani ya mji mkuu wa Mogadishu maafisa wa polisi wanasema kwamba walimpiga risasi mlipuaji wa kujitoa muhanga alipokuwa akiendesha gari lake katika kituo kimoja cha kukagua magari nje ya Bandari ya Mogadishu.

Taakiban watu saba walijeruhiwa katika shambulio hilo, Kulingana na mwandishi wa BBC Somalia Rage Hassan wote waliofariki katika mgahawa walidaiwa kuwa raia waliokuwa wakila kifungua kinywa, wakati bomu hilo lilipolipuka.

Maafisa wa usalama wa Somalia walikuwepo katika eneo hilo lakini hawakujeruhiwa.

Katika shambulio hilo Polisi waliambia shirika la BBC kwamba mlipuaji huyo wa kujitolea muhanga aliekuwa akiendesha gari hilo alijaribu kushambulia kituo cha kukagua magari barabarani mbele ya bandari lakini maafisa wa polisi walifanikiwa kumpiga risasi na gari hilo likalipuka.

Maafisa wawili wa polisi na raia watano walijeruhiwa.

Milipuko ya mabomu pamoja na mashambulizi ya kigaidi yamekuwa kitu cha kawaida mjini Mogadishu.

Hata hivyo hakuna mtu aliyedai ama kundi lolote lililodai kwamba alihusika na shambulio hilo.

Lakini kundi linalohusiana na lile la al-Qaeda limekuwa likijaribu kuiangusha serikali inayoungwa mkono na Muungano wa Afrika na hivyobasi kutekeleza mashambulio kama hayo.

Latest News

RAIS SAMIA AZINDUA KIWANDA CHA KUSAFISHA DHAHABU NA JENGO LA BOT.
13 Jun 2021 14:11 - Grace Melleor

Rais wa Jamhuri ya Muungano wa Tanzania Samia Suluhu Hassan amezindua kiwanda cha kusafisha dhahabu jijini Mwanza kinach [ ... ]

WASIOLIPA KODI KUFUNGIWA NAMBA ZA SIRI.
09 Jun 2021 08:46 - Grace Melleor

Mamlaka ya mapato nchini Kenya (KRA) inatarajiwa kuzifungia jumla ya nambari ya siri 66,269 za kulipa kodi ambazo hazitu [ ... ]

RAIS SAMIA AHUSIA WANAWAKE KUJIAMINI, MAITI KUTOZUIWA KUZIKWA.
08 Jun 2021 18:28 - Grace Melleor

Rais Samia Suluhu Hassani amewataka wanawake nchini kujenga utamaduni wa kujiamini kwakuwa ukombozi wa mwanamke unaanza  [ ... ]

Other Articles

Social Media

Copyright © 2021 . Star Tv - Tanzania. All Rights Reserved.