Star Tv

Watu waliojihami kwa silaha wamewauwa wakulima 15 Kaskazini Magharibi mwa Jimbo la Katsina, katika kile, polisi wametaja ni kisa cha wizi wa mifugo.

Msemaji wa polisi Gambo Isah ameliambia shirika la AFP kuwa watu wapatao 200 waliojihami kwa bunduki walishambulia wakulima hao kwenye kijiji cha Yargamji na kuua watu 15, na kuwajeruhi wengine kadhaa.

Nigeria ni moja ya nchi za Afrika Magharibi ambazo zinaendelea kukumbwa zaidi na utovu wa usalama kutokana na makundi mbalimbali yenye silaha, hasa makundi ya wanamgambo wa Kiislamu wenye itikadi kali, ikiwa ni pamoja na kundi la Boko Haram.

Mapema mwezi Juni watu wasiopungua hamsini waliuawa katika mashambulizi mawili yaliyotokea katika vijiji viwili, Kaskazini Mashariki mwa Nigeria, mauaji ambayo yalidaiwa kutekelezwa na kundi la Islamic State Afrika Magharibi (ISWAP).

Mashahidi wanasema watu waliojihami kwa silaha za kivita wakiwa katika magari walikabiliana na kundi la wanamgambo linaloungwa mkono na serikali, lakini wanamgambo hao walizidiwa nguvu kutokana na idadi yao ndogo na hivyo kundi hasimu kutekeleza mauaji dhidi ya raia waliokuwa wakitoroka makazi yao, kwa mujibu wa shirika la habari la AFP.

Latest News

TANZANIA YATOBOA SIRI YA FURAHA YAKE CHINI YA UENYEKITI WA SADC.
13 Aug 2020 18:09 - Grace Melleor

Tanzania imejivunia mafanikio yaliyopatikana wakati ikiwa mwenyekiti wa Jumuiya ya Maendeleo Kusini mwa Afrika (SADC), c [ ... ]

MHADHIRI UDOM KIZIMBANI KWA RUSHWA YA NGONO.
13 Aug 2020 16:57 - Grace Melleor
Notice: Undefined property: stdClass::$thumb in /var/www/html/startv.co.tz/public_html/startvweb/modules/mod_minifrontpage/themes/default/tmpl/bottom.php on line 79

Taasisi ya kuzuia na kupambana na Rushwa nchini (TAKUKURU) Mkoa wa Dodoma inatarajiwa kuwafikisha mahakamani watu 10 kat [ ... ]

OMBI ZITO KWA RAIS WA BURUNDI KUTOKA MUUNGANO WA WANAHABARI.
13 Aug 2020 14:45 - Grace Melleor

Muungano wa wanahabari nchini Burundi, umetoa wito kwa rais Évariste Ndayishimiye kuwasamehe wanahabari wanne wa Gazeti [ ... ]

Other Articles

Social Media

Copyright © 2020 . Star Tv - Tanzania. All Rights Reserved.