Star Tv

Rais wa Ufaransa Emmanuel Macron ameitisha kikao na baraza la ulinzi nchini mwake kufuatia Shambulio la Koure nchini Niger.

Hii ni baada ya shambulio ambalo liligharimu maisha ya wafanyakazi sita wa shirika la misaada ya kibinadamu kutoka Ufaransa na wenzi wao wawili kutoka Niger, rais wa Ufaransa ameitisha kikao cha baraza la ulinzi kutathmini hali mbambo kuhusu shambulio hilo.

Rais Emmanuel Macron ataongoza kikao hicho cha Baraza la Ulinzi kwa njia ya video. Atawakusanya pamoja Waziri Mkuu Jean Castex, Mawaziri wa Mambo ya nje, Ulinzi na Mambo ya ndani, na pia wakurugenzi na waratibu wanaohusika, hasa idara ya ujasusi.

 Wakati huo huo jeshi la Niger, likisaidiwa na lile la Ufaransa wameanzisha msako wa kuwatafuta watu waliotekeleza mauaji ya watu wanane wakiwemo watalii sita kutoka nchini Ufaransa.

 Nao wachunguzi nchini Ufaransa wameanzisha uchunguzi kuhusu mauaji hayo yaliyotokea Jumapili iliyopita katika mji wa Koure, huku serikali ya Niger na Ufaransa wakiapa kuwapata waliohusika na mauaji hayo.

 Mapema Jumatatu hii Paris ilithibitisha kwamba Wafaransa hao waliuawa katika shambulio hilo lililotokea Jumapili. Rais wa Ufaransa Emmanuel Macron pia alizungumza kwa simu na mwenzake wa Niger, Mahamadou Issoufou, Ikulu ya Elysee alisema.

 Rais wa Ufaransa na mwenzake wa Niger waliapa kuendelea na vita dhidi ya makundi ya kigaidi huko Sahel.

Latest News

JAJI MKUU WA KENYA AMSIHI RAIS KENYATTA KULIVUNJA BUNGE.
22 Sep 2020 10:22 - Grace Melleor

Jaji Mkuu wa Kenya David Maraga, amemshauri rais wa nchi hiyo Uhuru Kenyatta, kulivunja bunge la kitaifa na lile la Sene [ ... ]

“IRAN ITAJIBU VIKALI UONEVU WA MAREKANI"- Rais Hassan Rouhani.
21 Sep 2020 11:51 - Grace Melleor

Rais wa Iran Hassan Rouhani amesema Marekani imeshindwa katika juhudi zake za kuiwekea tena vikwazo nchi hiyo baada ya w [ ... ]

UGANDA YAENDELEA KULEGEZA VIZUIZI DHIDI YA CORONA.
21 Sep 2020 06:31 - Grace Melleor

Rais wa Uganda Yoweri Museveni ametangaza kuwa shule na taasisi zingine za elimu ya juu, zitafunguliwa tena kuanzia mwez [ ... ]

Other Articles

Social Media

Copyright © 2020 . Star Tv - Tanzania. All Rights Reserved.