Star Tv

Ushauri umetolewa kwa wanaume walioko katika wilaya ya Bunda mkoani Mara, kujenga tabia ya kuwasaidia wake zao, ambao ni wajawazito kwa kuwapeleka kliniki na kusikiliza ushauri wa wauguzi, badala ya kuwaacha wenyewe tu kwa kudhani kuwa jukumu hilo ni la mwanamke mwenyewe.

Ushauri huo umetolewa na baadhi ya wanaume waliojitokeza kwenye maadhimisho ya siku ya wauguzi duniani, yaliyofanyika katika viwanja vya kituo cha afya cha Bunda mjini kilichoko katika kata ya Kabarimu katika  halmashauri ya mji wa Bunda. Aidha, baadhi ya wanawake wameizungumzia siku hiyo ya wauguzi duniani, huku wakiwaomba wauguzi kutekeleza wajibu wao ipasavyo, hasa wakati wakimuhudumia mama mjamzito. Baadhi ya wauguzi wamesema kuwa wamekuwa wakikumbana na changamoto mbalimbali pindi wanapopokea wagonjwa wakiwemo wajawazito, ikiwa ni pamoja na kutukanwa na baadhi ya watu. Katika maadhimisho hayo mkuu wa wilaya ya Bunda Lydia Bupilipili, amewataka wauuguzi wote wilayani hapo kutekeleza wajibu wao ipasavyo ikiwa ni pamoja na kujiamini.

 

Latest News

Kumbukumbu ya miaka 20 ya Hayati Mwalimu Nyerere
14 Oct 2019 12:52 - Kisali Shombe

Kila tarehe 14/10 Tanzania inaazimisha kumbukumbu ya kifo cha hayati baba wa Taifa Mwalimu Julius Kambarage Nyerere. Mwa [ ... ]

Mgogoro machimbo ya Shilalo Mwanza: Serikali yasitisha uchimbaji wa Dhahabu
11 Oct 2019 10:14 - Grace Melleor

Serikali imesitisha kwa muda usiojulikana shughuli za uchimbaji wa Madini ya Dhahabu katika machimbo ya Shilalo wilayani [ ... ]

Kesi Ya Uhujumu Uchumi: Sethi Na Rugemalira Waandika Kuomba Msamaha
11 Oct 2019 09:46 - Grace Melleor

Hayo yamebainika katika Mahakama ya Hakimu Mkazi Kisutu ambapo imeeelezwa, Seth aliandika barua yake iliyopitia kwa Mkuu [ ... ]

Other Articles

Social Media

Copyright © 2019 . Star Tv - Tanzania. All Rights Reserved.