Star Tv

Kamati ya Ulinzi na Usalama ya wilaya ya Nzega Mkoani Tabora imemuagiza injinia wa Mamlaka ya Barabara mijini na vijijini Tarula kumsimamisha kazi na kukatisha mkataba wa Ujenzi kampuni ya Didia Inayojenga Daraja la Mto Nhobola baada ya kushindwa kazi.

Mwenyekiti wa kamati ya ulinzi na usalama Mkuu wa wilaya ya Nzega Godfrey Ngupulla amesema mkandarasi huyo ameshindwa kufanya kazi kutokana na mkataba kumtaka kuanzi kazi mwezi Januari 2019 na kumaliza Julai 2019 lakini hakuna kazi yoyote iliyofanyika.

Ameongoza, Daraja hilo ni miongoni mwa ahadi za Mh,Rais Dk;John Pombe Magufuli dhidi ya wananchi wa Kijiji cha Nhobola ambao wamekuwa wakipata adha ya kuvuka nyakati za mvua za masika hali ambayo hugeuka kijiji hicho kuwa kisiwa.

Amemuagiza Injinia wa Tarula mkoa wa Tabora Regnard Silanga kumtoa mkandarasi huyo kisha kutangaza tenda ili apatikane mkandarasi mwingine atakayeweza kujenga Daraja hilo kwa muda uliopangwa.Daraja hilo lilitengewa shilingi milioni 440 za ujenzi pamoja na kukarabati barabara ili wananchi hao wafanye shughuli zao za maendeleo pamoja na kuondokana na usumbufu. Mkandarasi huyo tayari amesimamishwa na mchakato wa kumpata mkandarasi mwingine unaendelea ili akamilishe ujenzi huo ambao ni hitaji la wananchi.

Latest News

Kumbukumbu ya miaka 20 ya Hayati Mwalimu Nyerere
14 Oct 2019 12:52 - Kisali Shombe

Kila tarehe 14/10 Tanzania inaazimisha kumbukumbu ya kifo cha hayati baba wa Taifa Mwalimu Julius Kambarage Nyerere. Mwa [ ... ]

Mgogoro machimbo ya Shilalo Mwanza: Serikali yasitisha uchimbaji wa Dhahabu
11 Oct 2019 10:14 - Grace Melleor

Serikali imesitisha kwa muda usiojulikana shughuli za uchimbaji wa Madini ya Dhahabu katika machimbo ya Shilalo wilayani [ ... ]

Kesi Ya Uhujumu Uchumi: Sethi Na Rugemalira Waandika Kuomba Msamaha
11 Oct 2019 09:46 - Grace Melleor

Hayo yamebainika katika Mahakama ya Hakimu Mkazi Kisutu ambapo imeeelezwa, Seth aliandika barua yake iliyopitia kwa Mkuu [ ... ]

Other Articles

Social Media

Copyright © 2019 . Star Tv - Tanzania. All Rights Reserved.