Star Tv

Baraza la Usalama la Umoja wa Mataifa limeidhinisha azimio la kusitisha mapigano kwa mara ya kwanza tangu kuzuka kwa mgogoro nchini Libya, na kuzitaka pande zote husika kufikia makubaliano ya kudumu.

Mwezi Januari mwaka huu pande zinazokinzana nchini Libya zilifikia mkataba wa kusitisha mapigano, lakini mkataba huo mpaka sasa bado unalegalega kutokana na kuwa mapigano yamekuwa yakiendelea na kila upande ukishutumu upande mwingine kukiuka mkataba huo.

Azimio hilo limepitishwa baada ya mazungumzo yaliyodumu zaidi ya wiki tatu, huku kukionekana mgawanyiko wa kimataifa unaoendelea licha ya kuonyesha umoja wao katika mkutano uliofanyika kwenye mji mkuu wa Ujerumani, Berlin, Januari 19 mwaka huu.

Mkutano huo ambao rais wa Urusi na Uturuki walishiriki kila mmoja alikuwa akionyesha kuunga mkono kambi moja hasimu iliyopo  nchini Libya.

Azimio hilo ambalo bado halijafikiwa  linataka kuwepo kwa makubaliano ya kudumu ya kusitisha mapigano nchini Libya, kabla ya yote na bila masharti.

Urusi inashutumiwa kwa miezi kadhaa kuunga mkono usafirishaji wa maelfu ya mamluki wa kundi la Wagner, linalodaiwa kuwa na uhusiano wa karibu na ikulu ya rais wa Urusi, kwenda nchini Libya kumsaidia Khalifa Haftar ambaye amekuwa akitafuta kuudhibiti mji wa Tripoli  tangu Aprili 4, 2019.

                                                                         Mwisho.

Latest News

SHAMBULIO LA KOURÉ NCHINI NIGER LAMUUMIZA KICHWA MACRON.
11 Aug 2020 16:07 - Grace Melleor

Rais wa Ufaransa Emmanuel Macron ameitisha kikao na baraza la ulinzi nchini mwake kufuatia Shambulio la Koure nchini Nig [ ... ]

NEEMA YAWASHUKIA WAKULIMA NCHINI.
11 Aug 2020 15:57 - Grace Melleor

Katika kuhakikisha kwamba tija ya uzalishaji wa mazao ya kilimo inaongezeka ili kujitosheleza kwa chakula na malighafi z [ ... ]

CHANJO YA COVID-19 YAIDHINISHWA KWA MATUMIZI URUSI.
11 Aug 2020 13:34 - Grace Melleor

Rais wa Urusi Vladimir Putin amesema kwamba chanjo iliyotengenezwa ndani ya Urusi kwa ajili ya ugonjwa wa Covid-19 imeid [ ... ]

Other Articles

Social Media

Copyright © 2020 . Star Tv - Tanzania. All Rights Reserved.