Star Tv

Ndole ni kijiji ambacho kipo pembezoni mwa Wilaya ya Mvomero katika milima ya Ndole, wakazi wa kijiji hicho wengi wao  wakijishughulisha zaidi na kilimo cha mazao ya Ndizi, maharage pamoja na magimbi ambayo yamekuwa yakisafirishwa sehemu mbalimbali nchini.

Licha ya kujituma katika uzalishaji wa mazao lakini kwa sasa wanakatishwa  tamaa kutokana na adha ya usafiri unaosababishwa na kubomoka kwa daraja linalounganisha kjiji hicho na vijiji jirani hata kupelekea magari kushindwa kutoka au kuingia ndani ya kijiji hicho.

Wafanyabiashara na madereva wa magari nao wanakumbwa na changamoto hiyo ya kubomoka kwa daraja  hatua inayowalazimu kuzunguka umbali mrefu kuingia kijijini hapo kupitia Gairo  pamoja na Kibati.

Uongozi wa kijiji cha Ndole kupitia kwa Mwenyekiti wa kijiji hicho Adrian Paulo  amesema mamlaka husika inayohusika na ujenzi wa miundombinu wamepewa taarifa kuhusu adha hiyo lakini wanashangazwa na ukimya uliopo,

Wakati bado wananchi hao  wanasubiri ufumbuzi  wa  ujenzi wa daraja hilo, vijana wa kijiji hicho watengeneza  mfano wa daraja dogo la miti ambalo nalo si salama  kutokana na kuhitaji umakini mkubwa wakati wa kupita  hasa kwa wale wanaotumia usafiri wa pikipiki.

Licha ya kuwa ni hatari lakini si haba kutokana na mizigo mingi kupitishwa na pikipiki kupitia mfano huo wa daraja hilo, huku magari yayotoea maeneo ya Dumila,Turiani na Morogoro yakiishia ng’ambo na  yale yanayotoka  kijijini hapo nayo yakiishia ng’ambo ya pili ya mto.

Serikali ya wilaya Mvomero imekirii kutambua uwepo wa changamoto hiyo ya kubomoka kwa daraja inayaokawabili wakazi wa kijiji cha Ndole na wako kwenye mchakato wakulitengeneza.

Kwa mara ya Kwanza Daraja hilo limebomoka mwezi wanne mwaka 2019, ambapo mpaka sasa limejengwa zaidi ya awamu tatu lakini  awamu hizo zote limekuwa likibomelewa na mvua na hivyo kupelekea changamoto ya usafiri kusuasua hatua ambayo inatajwa kurudisha nyuma maendeleo ndani ya kijiji hicho kutokana na idadi ya watu wanaoingia kupungua huku wananchi nao wakishindwa kusafirisha mazao yao kwenda sokoni na hivyo  kupelekea mazao mengi kuharibika na wengine kuamua kuuza kwa bei ya chini.

 Mwisho.

 

Latest News

WAZIRI UMMY ATHIBITISHA KUPONA KWA MGONJWA MMOJA WA COVID-19.
03 Apr 2020 15:58 - Grace Melleor

Waziri wa Afya nchini Ummy Mwalimu amesema kuwa mgonjwa mwingine aliyekuwa na maambukizi ya virusi vya corona (COVID-19) [ ... ]

TANZANIA YAPATA NEEMA TENA KUTOKA BENKI YA DUNIA.
03 Apr 2020 07:18 - Grace Melleor

Msemaji Mkuu wa Serikali na Katibu Mkuu Wizara ya Habari , Dokta Hassan Abbas amesema tayari serikali imepokea Dola Mili [ ... ]

RAIS MUSEVENI ATANGAZA SIKU 14 KWA RAIA WAKE KUKAA NDANI YA MAKAZI YAO.
31 Mar 2020 10:30 - Grace Melleor

Rais wa Uganda Yoweri Museveni ametangaza masharti zaidi ya kukabiliana na kuenea kwa virusi vya corona wiki mbili baada [ ... ]

Other Articles

Social Media

Copyright © 2020 . Star Tv - Tanzania. All Rights Reserved.